सागरला स्मरताना!

गाणं भीमाचं दाबणार नाय
अत्याचाराच्या जोरानं
तरी पोरं ही वाजवतील
बाबासाहेबांची रिंगटोन

जीव गेला जरी आमचा
जातीयतेच्या हल्ल्यात
तरी भीमाचा फोटो हा
लाऊ काळजाच्या किल्ल्यात

बाप भीमाला मानलंय हो
इथल्या लहान थोरांनं
तरी पोरं ही वाजवतील
बाबासाहेबांची रिंगटोन..

भीमराया च्या नावावर जरी
झालोत कुर्बान
नसानसा मधून वाजल बाबासाहेबाचं गानं
केलं सोनं ह्या जीवनाचं त्या क्रांतिकारानं
तरी पोरं ही वाजवतील
बाबासाहेबांची रिंगटोन..

https://www.youtube.com/watch?v=sDA4auNpY70

पोरं भिमाची मर्दानी
न्हाई माघारी सारनार
अश्या पोकळ धमक्यांना नाही कधीच डरनार
किती निष्पाप मारिले जातीयतेच्या ढोरानं
तरी पोरं ही वाजवतील
बाबासाहेबांची रिंगटोन..

सांगा कुठंवर चालायचं जातीयतेचा संघर्ष
कधी सुनील करणार माझ्या भीमाचा उत्कर्ष
आम्ही बुद्धाचे अनुयायी जातो बुद्ध विचारानं

~ सुनील खरे/ डॉ. उत्कर्ष शिंदे

विडिओ: www.youtube.com